تأزه زلاندداقی یانارداغ پاجیغاسیندا ۵ آدام اؤلدی

تأزه زلاندداقی آق آدادا واکاری یانارداغی یانماغا باشلادی.

پاجیغادا اینگ آز ۵ آدام اؤلدی.

استرالیانینگ ای بی سی کانالی، اؤلِنلرنیگ سانی نینگ یۇقارلاپ بیلجکدیگینی بیلدیردی.

آق آدادا هنیز هم ۲۰ آدامدان حابار آلینیپ بیلینمه یأر.

تأزه زلاندینگ پلیسلاریندان جان تیمز یاغدایلارینگ اؤرأن اۆیتگه یأندیگینی و ییتنلردن حابار آلینمایاندیغینی آیتدی.

تیمز اؤلِنلرینگ آراسیندا تأزه زلاندلی و داشاری یورتلی توریستلارینگ دا باردیغینی آیتدی.

آدادان چیقاریلان ۱۸ آدامینگ اولی بؤله گی نینگ یارالی بۇلاندیغینی آیدان تیمز، یارالیلارینگ بیرنأچه سی نینگ یاغدایی نینگ قین بۇلاندیغینی نیغتادی.

تأزه زلاندینگ باش وزیری جاسیندا آردرن ده آدادا پاجیغا واغتیندا ۵۰ آدامینگ بۇلاندیغینی یاتلاتدی و گیچ ساغاتلاردا آدانینگ قۇلایینا گیتجکدیگینی بیلدیردی.

آردرن سۇنگرا بۇلسا ۲۳ یارالی نینگ تأزه زلاندا گتیریلندیگینی حابار بردی.

واکاری یانارداغی نینگ یانماغا باشلان ماحالی بیرنأچه توریستینگ داغینگ اۆستۆنه چیقماغا سینانشیاندیغی حابار بریلدی.

واکاری یانارداغی سۇنگقی گزه ک ۲۰۰۱-نجی ییلدا یانماغا باشلاپدی.