مصردا موغاللیملار ایشیندن چیقاریلدی

مصردا ۱۰۷۰ موغاللیم مسلمان دۇغانلار قوراماسینا (اخوان المسلمین) آغضا بۇلاندیقلاری سبأپ گؤرکِزیلیپ ایشدن چیقاریلدی.

مصرینگ تعلیم تربیه وزیری طارق شوقی قوران مطبوغات گنگه شینده ۱۰۷۰ موغاللیمینگ ایشیندن چیقاریلاندیغینی بیلدیردی.

شوقی موغاللیمچیلیق ایشینی آلیپ بارانلارینگ یؤریته حأصیه‌ته ایه بۇلمالیدیقلارینی، وظیپه دن چیقاریلماغی قاراری نینگ موغاللیملارینگ اخوان تۇپارینا آغضا بۇلاندیقلاری یا دا قاضیه تده جزا بریلندیگی سبأپلی بۇلاندیغینی نیغتادی.

ایشدن چیقاریلان موغاللیملار هنوز مسئله بیلن باغلانشیقلی بیانات برمه دی.

مصردا دموکراتیک سایلاو بیلن ایشینه باشلان ایلکینجی جمهورباشلیق محمد مرسی نینگ ۲۰۱۳-نجی ییلینگ ۲-نجی ایولیندا عسگری آغدارلیشیق بیلن وظیپه سیندن قئرالاشدیریلماعیندان سۇنگ کؤپ سانلی شهرده آغدارلیشیغا قارشی پروتست یؤریشلری قورالیپدی.

یؤریشه قاتناشانلارینگ کؤپۆسی اخوان تۇپارینا دگیشلی دییپ توسساغ ادیلیپدی.

آغدارلیشیقدان سۇنگ گلن کابینه، ۲۰۱۳-نجی ییلینگ ۲۵-نجی دکابریندا اخوان المسلمین تۇپارینی "ترور قوراماسی" حؤکمۆنده تاناپدی.