پ. ک. ک ایزدیلرینگ اؤیلرینه قایتماغینا روغصات برمه یأر

عیراغینگ موصل ولایاتینداقی سانجار شَهِری نینگ مجلیس باشلیغی ویس نواف، آیرالیقچی ترور قوراماسی پ. ک. ک نینگ شۇل شهرده بۇلانی اۆچین ایزدیلرینگ ۷۵ گؤتریمی نینگ اؤز اؤیلرینه قایدیپ بیلمه‌یأندیگینی بیلدیردی.

سانجاردا پ. ک. ک نینگ بۇلماغی سبأپلی اؤزۆنینگ ده شهره قایدیپ بیلمه یأندیگینی و دهوک دا قالیاندیغینی آیدان نواف، پ. ک. ک نینگ بینجالیق بریأندیگینی آیتدی.

ترور قوراماسی داعش ینگ ۲۰۱۴-نجی ییلداقی هۆجۆمی سبأپلی اؤز شهریندن بۇسغون یاغدایدا آیریلان ایزدیلرینگ شو واغت دا ترور قوراماسی پ. ک. ک سبأپلی اؤیلرینه قایدیپ بیلمأندیگینی آیدان نواف،

"پ. ک. ک نینگ اتراپدا بۇلماغی سبأپلی سانجارلی بۇسغغونلارینگ ۷۵ گؤتریمی اؤز اؤیلرینه قایدیپ بیلمه دی. بو آداملار هنیز هم دهوک دا بۇسغون کمپلرینده قالیار. پ. ک. ک شهریمیزده دارتغینلیق دؤره‌تمه‌کدن باشغا زات اتمه یأر" دیدی.

اؤتن ییل بیرنأچه ایزدی ماشغالانینگ سانجارا قایداندیغینی یاتلادان نواف، پ. ک. ک ترور قوراماسی نینگ بو ماشغالالاردان زور بیلن پول آلیاندیغینی و اۇغلانلارینی عسگرلیک دییپ چاغیریاندیغینی بیلدیردی.

نواف، حالقینگ پ. ک. ک دۇلولیغینا بو شهردن چیقان ماحالی راحات یاغدایدا اؤز اؤیلرینه قایدیپ بیلجکدیگینی آیتدی.

ترور قوراماسی پ. ک. ک نینگ سانجارینگ یانگاداندان دیکه دیلمه گی نینگ اؤنگۆنه گچیأندیگینه اۆنس چکن نواف، داشاری یورتلی گۆیچلرینگ ایسله گی بیلن حرکت ادیأن پ. ک. ک نینگ کۆرتلره حیذمات اتمه یأندیگینی بیلدیردی.