حیتای آمریکانی یازغاردی
تایوان مسئله سی ینه آمریکا بیلن حیتای‌یینگ آراسینی آچدی
حیتای آمریکا بیرلشن ایالتلری نینگ دنگیز گۆیچلرینه دگیشلی ۲ گأمی نینگ تایوان بۇغازیندان گچمه‌گینی یازغاردی.
کمونیست پارتیاسی نینگ قازتی گلوبال تایمز، آمریکانینگ ژاپن داقی راکت یۇق ادیجی یو اس اس ماستین و یو اس اس بنفولد گأمیسینی تایوان بۇغازیندان گچیریپ، ایکی یورت آراسینداقی سؤودا ساواشی سبأپلی بۇلان دارتغینلیغینی یۇقارلادیاندیغینی نیغتادی.
قازتینگ ماقالاسیندا آمریکانینگ تایوان بۇغازیندا اعصاب اۇیونی آدلی ماقالادا، واشنگتن دۇلانشیغی نینگ تایوان بۇغازینا ایبرن گأمیلری بیلن سیاسی سؤزلر ایبریأندیگینی بیلدیریلدی.
۱۹۴۹-نجی ییلدا حیتای یینگ دۇلانشیغینا مائو تسه دونگ ینگ گلمه گی بیلن حیتای یینگ حؤکۆمتیندأکی بیرنأچه آدام تایوانا قاچیپ قاراشسیزلیغینی ایغلان ادیپدی و میللتچی حیتای دییپ تایوان دۇلانشیغینی دؤره‌دیپدی.
پکن بۇلسا "یکه حیتای" شیغاری بیلن حیتایا حالقارا درجه ده دینگه اؤزلری نینگ وکیلچیلیک ادندیگینی بیلدیریأر و تایوان قاراشسیزلیغینی ایغلان ادن ماحالی قشون بیلن اورش باشلاتجاقدیغینی آیدیار.
