۱۸۹ یری بۇلان اوچارینگ یکه تأک یۇلاغچیسی
اوچوشدان اۇزال اوچارمان یۇلاغچی نینگ یانینا گلیپ اۇتوردی و اۇنونگ بیلن گۆررۆنگدش بۇلدی
834690
انگلیس جت ۲ هۇوا یۇلی شرکتی بیلن اسکاتلندینگ گلاسکو شأهِریندن یونان ینگ گیریت آداسینا گیتمه ک اۆچین ۴۶ پوند برن کارن گریو آدلی زنانا، ۱۸۹ آداما یری بۇلان اوچاردا یکه باشینا یۇلاغچیلیق اتدی.
بی بی سی نینگ حابارینا گؤرأ یرینی رزرو ادن ۲ یۇلاغچی گلمه دی و اوچاردا یکه باشینا یۇلاغچیلیق ادن گریو عاداتدان داشغاری بیر یۇلاغچیلیق اندیگینی بیلدیردی.
اوچوشدان اۇزال اوچارمان یۇلاغچی نینگ یانینا گلیپ اۇتوردی و اۇنونگ بیلن گۆررۆنگدش بۇلدی.
اوچارداکی ایشگأرلرینگ هممه سی بیلن تانیشاندیغینی آیدان گریو، اوچارمانینگ دا اۇنونگ بیلن گۆررۆنگ ادندیگینی بیلدیردی.
اوروپالی زنانا بیر کیتاپ یازماق اۆچین گیریت آداسینا گیدندیگینی و بیر آی شۇل آدادا قالماق ایسله یأندیگینی آیتدی.
