آلمانیادا ینه متجیده هۆجۆم قورالدی

آلمانیانینگ لایپزیک شأهِریندأکی ایوپ سلطان متجیدینه کیم بۇلاندیغی بیلینمه‌یأن آداملار تاراپیندان هۆجۆم ادیلدی.

متجیدینگ جمغیتچیلیگی نینگ باشلیغی اسماعیل اؤزگان ارتیر نامازی اۆچین ساغات ۴.۳۰-دا متجیده گیدن امامینگ متجیدینگ داشارقی دیوارینا ضلل بریلِندیگینی گؤرِندیگینی آیتدی.

"دیوارا قارا رنک چالیپ اربت سؤزلر یازیپدیرلار. تأزه آسان تابلولاریمیزا دا ضلل بریلدی " دیه‌ن اؤزگان، "امام دیواری گؤرِنده دیوارداقی رنگینگ تأزه بۇلاندیغینی دۆشۆندی. شونونگ اۆچین هۆجۆمینگ ساغات ۴ یالی واغتدا ادیلندیگینی پیکیر ادیأندیکلری" آیتدی.

اؤزگان پلیسینگ واقا بیلن باغلانشیقلی درنگو ایشلرینی باشلاداندیغینی نیغتادی و دۆربینلرینگ ویدئو یازغیسینی دا پلیسا برندیکلرینی آیتدی.

آلمانیادا دوشنبه گۆۆندن بأری برلین ده ده بیر تۆرک جمغیتچیلیگینه هۆجۆم قورالیپدی. فرایبورگ شأهِرینده باشغا بیر متجیتده ده قامالی صلیب چکیلیپدی.