ترامپ بیلن نتانیاهو ایران حاقیندا گۆرله‌شدی

آمریکانینگ تأزه جمهورباشلیغی دونالد ترامپ ایسرائیل ینگ باش وزیری بنیامین نتانیاهو بیلن تلفن آرقالی گۆررۆنگدش بۇلدی.

دوشوشیقدا آمریکا- ایسرائیل آراسینداقی قاتناشیقلار و "یاقین گۆن دۇغارینگ حۇوپسوزلیق و دورنوقلیلیغی نینگ یۇلا قۇیولماغی" حاقیندا پیکیر آلیشیلاندیغی آیدیلدی.

آق تام ترامپ بیلن نتانیاهونینگ دوشوشیغی حاقیندا یازماچا بیانات چاپ اتدی.

بیاناتدا، ترامپ بیلن نتانیاهونینگ "ایران ینگ تهدیت یاراداندیغی" و آمریکا- ایسرائیل ینگ حیذماتداشلیق اتمه‌لیدیگی حاقیندا پیکیر آلیشاندیقلاری نیغتالدی.

ترامپ ایسرائیل ینگ حۇوپسوزلیغینی دۇلولیغینا قۇلدایاندیغینی بیلدیریپ، داعش و بیله کی رادیکال قورامالار بیلن گؤره‌شه أهمیت برجکدیگینی آیتدی.

آمریکانینگ جمهورباشلیغی فلسطین- ایسرائیل مسئله سینده دینگه ایکی یوردونگ آراسینداقی دوشوشیقلار چؤزگۆده سبأپ بۇلوپ بیلجکدیگینی آیتدی.

دونالد ترامپ نتانیاهونینگ فورال آییندا آمریکا ساپار قوراماغینی ایسله دی.