Türkmenistandaky saýlawlar Halkara guramalar tarapyndan syn ediler

Türkmenistanyň Daşary işler ministri Raşid Meredow 12-nji martda geçiriljek Prezident saýlawlary bilen baglanşykly halkara guramalaryň wekilleri bilen duşuşyklar geçirip, Prezident saýlawyna synçy wekiliýet ugradylmagyny talap etdi.

Türkmenistanyň Daşary işler ministri Raşid Meredow Türki Döwletler Guramasynyň Baş sekretary Bagdad Amreýew, Ýewropada howpsuzlyk we hyzmatdaşlyk guramasynyň (ÝHHG) Aşgabat şäherindäki ofisiniň başlygy Jon Makgregor we Garaşsyz Döwletler Arkalaşygynyň (GDA) Baş sekretary Leonid Anfimowyň ýolbaşçylygyndaky GDA-nyň Dolanşyk komitediniň wekiliýeti bilen duşuşyk geçirdi.

Geçirilen duşuşyklarda ýurtda 12-nji martda geçiriljek Prezident saýlawlaryna görülýän taýarlyklar ele alyndy, halkara guramalaryň saýlawlara synçy statusynda syn etmekleri barada talap bildirildi.

GDA-nyň synçy topary saýlawlara syn etmäge başlady, ÝHHG-nyň Aşgabat şäherindäki ofisi bolsa saýlawlara görülýän taýarlyk, geçirilmegi we saýlaw tapgyrynyň guramaçylygy bilen bagly seminar geçirildi.

Daşary işler ministrliginiň Metbugat gullugy hem Türkmenistanyň ilçihanalarynyň iş alyp barýan ýerlerinde we aralarynda Türkiýäniň hem bolan dünýäniň 30 ýurdunda açylan 41 saýlaw merkezinde Türkmenistanyň raýatlarynyň ses berip biljekdiklerini habar berdi.

Türkmenistanda Prezident saýlawy üçin Merkezi Saýlaw Geňeşine 9 dalaşgär ýüz tutdy. Şolaryň 3-si syýasy partiýalar tarapyndan, 6 dalaşgär bolsa raýat toparlary tarapyndan dalaşgär hödürlendi.