Türkmenistanda Nebitgaz pudagyna maýa goýumlary çekmek boýunça maslahat geçirildi

Türkmenistanyň paýtagty Aşgabat şäherinde “Türkmenistan Nebit we gaz boýunça halkara maýa goýum forumy” maslahaty geçirilýär.

Forumda dünýäniň tebigy gaz ätiýajy boýunça ilkinji 5-lige girýän türkmen gazynyň Merkezi Aziýadaky ahmiýetiniň üstünde durulyp geçilýär.  

Foruma Azerbaýjandan gatnaşan SOKAR kärhanasynyň başlygy Rownag Abdullaýew TRT Awaz kanalyna beýanat berdi.

Türkmenistanyň Nebitgaz pudagyna daşary ýurt maýa goýumlaryny çekmek boýunça halkara maslahat Türkmenistanyň Söwda-senagat edarasynyň binasynda geçirilýär. 

Paýtagt Aşgabat şäherinde Türkmenistanyň Nebitgaz pudagyna daşary ýurt maýa goýumlaryny çekmek boýunça halkara maslahat geçirilýär. Milli we halkara derejedäki nebit we gaz kärhanalarynyň ýokary derejeli ýolbaşçylaryny bir ýere jemlän forumda ýangyç we energetika pudagynyň özgermegindäki tendensiýalar ara alynyp maslahatlaşylýar. 

Forum Türkmenistanyň Prezidenti Gurbanguly Berdimuhamedowyň Türkmenistanyň energetika setrategiýasy barada maglumat berýän gutlag hatynyň okalmagy bilen başlady. Türkmen lider gutlag hatynda tebigy gaz ätiýajy boýunça dünýäniň öňdebaryjy ýurtlarynyň biri bolan Türkmenistanda nebit we tebigy gaz senagaty pudaklarynyň özgermegine aýratyn ähmiýet berilýändigini belläp, baglaşylan ylalaşyklaryň çäginde täze gorlaryň tapyljakdygyny we türkmen gazynyň dünýä bilen integrasiýanyň üpjün ediljekdigini beýan etdi.

Foruma 42 ýurtdan 160-dan gowrak firma wekilçilik edýän 500 myhman gatnaşýar. Türkiýeden BOTAŞ we beýleki türk firmalary onlaýn görnüşde gatnaşýan bolsa, Azerbaýjandan bolsa düzüminde SOKAR kärhanasynyň başlygy Rownag Abdullaýew we Ykdysadyýet ministriniň orunbasary Rowşan Najafyň hem bolan ýokary derejeli wekliýet gatnaşýar.

Azerbaýjanyň döwlet nebit kärhanasy SOKAR-yň başlygy Rownag Abdullaýew, Türkmenistanyň we Azerbaýjanyň nebit we gaz pudagynyň ähli ugurlar boýunça uly öňe gidişlikler edendigini we iki ýurdyň özleşdirmek we işläp düzmek babatynda 2021-nji ýylyň ýanwar aýynda baglaşylan Özara düşünişmek boýunça memoranduma laýyklykda Hazar deňizindäki Dostluk ýatagynyň bilelikde özleşdirilmäge başlanandygyny ýatlatdy.

TRT beýanat beren Rownag Abdullaýew, geçen ýylyň ahyrynda Azerbaýjandaky Şa Deňiz ýatagyndan çykarylan gazyň TANAP we TAP taslamalary bilen Türkiýäniň üstünden Ýewropa ugradylandygyny aýan etdi. Onuň Azerbaýjan-Türkiýe dostlugynyň bir eseri bolandygyny aýan etdi. Mundan başgada Günorta Gaz koridory we Baku-Tbilisi-Jeýhan nebit liniýasynyň türkmen çaşmelerini halkara bazara daşamak üçin uly mümkinçilikleri, doganlyk Türkmenistan döwletiniň kärhanalary bilen paýlaşmaga taýardyklaryny aýan etdi.

Forumda Türkmenistan-Owganystan-Pakistan-Hindistan tebigy gaz geçiriji turba taslamasynyň gurluşygyndan daşary Türkmenistandan Hytaýa we Eýrana uzap gidýän sebitleýin taslamalar hem ara alynyp maslahatlaşyldy.

Forum bilen energetika pudagynyň has hem özgermegi ugrunda sebitleýin dialogyň artmagy bilen birlikde Türkmenistana daşary ýurt maýa goýumlarynyň çekilmegi meýilleşdirilýär.

Iki gün dowam etjek forumyň ahyrynda ençeme şertnamalaryň we ylalaşyklaryň baglaşylmagy meýilleşdirilýär.