Türkiye PKK-nyň tarapdarlarynyň aksiýalary sebäpli germaniýaly resmiler bilen aragatnaşyga geçdi
Ekstremist terror guramasynyň tarapdarlary birnäçe gün ozal Türkiyäniň Germaniýanyň Gannower şäherindäki Baş konsullyk binasyna hüjüm edipdi, gaty jisimler bilen binanyň aýnalaryny döwmäge synanyşypdy
Türkiye, ekstremist terror guramasy PKK-nyň tarapdarlary Türkiyäniň Gannower şäherindäki Baş konsullygyna hüjüm etmeginden soň, Germaniýanyň resmileri bilen aragatnaşyga geçdi.
Türkiyäniň Berlin şäherindäki Adatdan daşary we doly ygtyýarly ilçisi Başar Şen, Germaniýanyň Daşary işler ministrligindäki resmiler bilen duşuşyk geçirip, Türkiyäniň talaplaryny ýetirdi.
Ilçi Başar Şen ekstremist terror guramasynyň propaganda, agza tapmak we maliýe çeşmeleri bilen baglanyşykly işleriň aýgytly çözülmelidigini aýtdy.
Soňky günlerde ekstremist terror guramasynyň tarapdarlary tarapyndan geçirilen aksiýalara alada bildiren ilçi Başar Şen, Türkiyäniň diplomatiki wekilhanalarynyň, ekstremist terror guramasy tarapyndan nyşana alynyp bilinjek edaralaryň we iş ýerleriniň howpsuzlyk çäreleriniň artdyrylmagyny isledi.
Ekstremist terror guramasynyň tarapdarlary birnäçe gün ozal Türkiyäniň Germaniýanyň Gannower şäherindäki Baş konsullyk binasyna hüjüm edipdi, gaty jisimler bilen binanyň aýnalaryny döwmäge synanyşypdy.
Degişli Habarlar
Prezident Erdogan, Gollandiýanyň Premýer-ministrini Kabul Etdi
Wahdettin köşgünde bolan kabul edilşik metbugata ýapyk häsiýetinde geçirildi.
TRT Ispan Digital Habar Platformasy Düşümli Bolsun
TRT Ispan digital habar platformasy dabaraly ýagdaýda açyldy.