Prezident Erdogan Ordu Welaýatynda Çykyş Etdi

Przident R.T.Erdogan “Türkiýe Asyry” garaýyşy bilen ýurdy syýasatdan ykdysadyýete, tehnologiýadan goranyş pudagyna çenli ähli ugurlarda geljege taýýarlaýandyklaryny aýtdy.

“Ýurdumyzyň gün tertibiniň ähli ugurlary bizi gyzyklandyrýar. Milletimiziň her bir meselesiniň çözülmegi biziň jogapkärçiligimizde” diýen Erdogan, ýer titremeden terrorizme çenli hiç hili gyşarnyklyga ýol bermejekdiklerini beýan etdi.

“Şunuň bilen bilelikde galkynyş maksatnamalarymyz, maýa goýumlarymyzy, halkymyzyň we şäherlerimiziň her bir meselesi bilen ýakyndan gyzyklanýarys” diýen Erdogan, global we sebitleýin meseleleriň täsirleri sebäpli agyr şertleriň başdan geçirilýändigini nygtady.

Erdogan şu agyr şertlerde-de maýa goýumy, iş üpjünçiligini, önümçiligi we nagt artykmaçlygy bilen güýçlenmekligi ileri tutýandyklaryny aýtdy.

Esasy maksatlarynyň ykdysadyýetde hakykata laýyk we durnukly abadançylygy güýçlendirjek infrastrukturany gurmakdan ybaratdygyny beýan eden Erdogan; “Türkiýe Asyry” garaýyşy bilen ýurdy syýasatdan ykdysadyýete, tehnologiýadan goranyş pudagyna çenli ähli ugurlarda geljege taýýarlaýarys” diýdi.