Erdogan Baýden Bilen Telefon Arkaly Söhbetdeşlik Geçirdi
Prezident R.T.Erdogan Amerikanyň Birleşen Ştatlarynyň Prezidenti Jo Baýden bilen telefon arkaly söhbetdeşlik geçirdi.
Telefon söhbetdeşliginde Ysraýylyň Gaza guraýan hüjümleri, Türkiýe-ABŞ gatnaşyklary, Şwesiýanyň NATO agzalyk tapgyry bilen global we sebitleýin meseleler seljerildi.
Prezident Erdogan telefon söhbetdeşliginde Gazada başdan geçirilýän gumanitar pajyganyň dessine öňüniň alynmalydygyny, ABŞ-nyň Ysraýyla berýan şertsiz goldawyny yzyna çekmeginiň hüjümleriň bes edilmegini ýola goýup biljekdigini, hem dünýä hem-de Amerikan jemgyýetçiliginiň bu talaby soňky günlerde giňden beýan edýandigini we sebitde dessine durnukly ylalaşygyň gazanylmagynyň ABŞ-nyň taryhy jogapkärçiligi bolup durýandygyny aýtdy.
Prezident Erdogan Ysraýylyň hüjümleriniň çuňlaşmagynyň we uzaga çekmegişniň sebitleýin hem-de global derejede ýaramaz netijeleriniň boljakdygyny, Türkiýäniň teklip eden hemaýatkärlik mehanizminiň döredilmeginiň, berilen sözlerde durulmagynyň we 1967-nji ýyldaky serhetleriň esasynda garaşsyz, özygtyýarly, territorial bitewiligi eýe, paýtagty Iýerusalim bolan Palestina döwletiniň döredilmeginiň iň ýerlikli we durnukly çözgüt boljakdygyny beýan etdi.
Prezident Erdogan bilen Baýdeniň telefon söhbetdeşliginde Türkiýä F-16 harby uçarlarynyň satuwy hakynda hem pikir alyşyldy.
Degişli Habarlar
Türkiýe Gaza Ynsanperwer Kömegini Bermäge Dowam Edýär
Önjü Keçeli, Türkiýäniň Gaza iň köp ynsanperwer kömegini beren ýurtdygyny aýtdy.