Uralogly: "Türksat 6A-ny 2024-nji ýylyň iýun aýynda älem giňişligine uçurarys" diýdi
Türkiyäniň Transport we infrastruktura ministri Abdulkadir Uralogly, Türkiyäniň täze emeli hemrasy Türksat 6A-nyň 2024-nji ýylyň iýun aýynda älem giňişligine uçuryljakdygyny habar berdi
2063944
Transport we infrastruktura ministri Abdulkadir Uralogly ýurduň paýtagty Ankara şäherinde TÜRKSAT Älem ýer ulgamlarynyň ätiýaçlyk merkeziniň açylyşynda çykyş etdi.
Ilkinji milli aragatnaşyk hemrasy Türksat 6A-nyň ençeme kyn synaglardan üstünlikli ýagdaýda geçendigini aýdan Uralogly: "Geçiren işlerimiziň netijesinde 2024-nji ýylyň mart aýynda ýer gowşurylyş işleri amala aşyrylar. Şol tapgyrdan soň SpaceX firmasy bilen gazanylan ylalaşygyň çäginde Türksat 6A-ny iýun aýynda älem giňişligine uçurmagy maksat edinýäris. Hyzmat bermäge başlan mahaly beýleki emeli hemralarymyzyň çäginde bolmaýan Günorta we Gündogar Aziýa ýaly täze sebitlerede hyzmat bermäge başlap, sebitimizdäki lider pozisiýamyzy has hem güýçlendireris" diýip habar berdi.
