Türkiýe BMG-niň Howpsuzlyk Geňeşiniň Kipr Boýunça Beren Beýanatyna Reaksiýa Bildirdi
Daşary işler ministrliginden berilen ýazmaça beýannamada Demirgazyk Kipr Türk Respublikasynyň Daşary işler ministrliginiň bu barasyndaky beýanatrynyň “doly goldanýandygy” nygtaldy.
BMG-niň Howpsuzlyk geňeşiniň sebitdäki hakykatlardan daş we netijesiz çözgüt modelini dowam etdirýändigine üns çekilen beýannamada; “Fedaratiw çözgüt maksadynyň indi Kipriň türk halkynyň özygtyýarly erkine jogap bermeýandigine taraplar göz ýetirmeli” diýilýär.
Beýannamada, BMG-niň Howpsuzlyk geňeşiniň, BMG-niň Baş sekretarynyň habarnamalaryna esaslanmakdan günsaýyn daşlaşýan bu çemeleşmesiniň Kiprde çözgüdi höweslendirmegiň ýerimne grek tarapynyň adanyň gadymy we esasy şärik eýesi Kipr türklerini ýok hasap edýän ylalaşyksyz pozisiýasyna meçew berýandigi nygtalyp; “Howpsuzlyk geňeşiniň Kipr türkleriniň geçmişde gün tertibine gelen çözgüt modelinden goldawyny çekendigine düşünmegine garaşýarys” diýilýär.
Beýannamada; “Kiprde gazanyljak adalatly, durnukly we birsydyrgyn çözgüdiň adadaky iki halkyň ygtyýaryna esaslanmalydygyny, üçünji taraplaryň gönükdirmesine ýol berilmeli däldigini ýene-de bir gezek nygtaýarys. BMG-niň Howpsuzlyk geňeşini we halkara jemgyýetçiligini Kipr adasynda iki halkyň we iki döwletiň bardygyna esaslanyp, Kipriň türk halkynyň ozaldan bar bolan hukuklary bolan özygtyýarly deňligini we deň halkara hukuk derejesini ykrar etmäge çagyrýarys, onuň Kipr meselesiniň çözülmegi boýunça gepleşik tapgyrynyň başlamagy üçin üýtgewsiz şert bolup durýandygyny nygtaýarys” diýilýär.
