Şentop Fransiýa Reaksiýa Bildirdi

Türkiýäniň Beýik Millet Mejlisiniň Başlygy Mustafa Şentop, ekstremist terror guramasy PKK/ÝPG-niň agzalarynyň Fransiýanyň Senatonda kabul edilip, terrorçylaryň medal bilen sylaglanmagyna reaksiýa bildirdi.

Şentop sosial media hasabyndan beren habarnamasynda Türkiýäniň milli howpsuzlygyna wehim salýan ekstremist terror guramasynyň agzalarynyň Fransiýanyň Senatynda kabul edilmeginiň iňňän gynandyryjy bolmak bilen bilelikde, geň galdyryjy däldigini nygtady.

Fransiýanyň mundan ozalam terror guramasy DEAŞ-yň başda durmagynda terror guramalary bilen açyk ýa-da ýapyk görnüşde gatnaşyk etmegine şaýatlyk edilendigini ýatladan Şentop; “Mejlisiň başlygy hökmünde şuny nygtasym gelýär: Bir ýurduň parlamentinde terror guramalarynyň agzalarynyň kabul edilmegi, ony ejizleder. Terror guramasy PKK-nyň Siriýadaky bölümleri bilen aç-açan arkalaşýandyklaryny bütün dünýä parlamentarileriniň üsti bilen görekezýän Fransiýadan hukuga, adamzada we döwrebap ynamdar döwlet bolmagyň talaplaryna laýyk hereket etmegine garaşýarys” diýdi.

Adalat we ösüş partiýasynyň Başlygynyň orunbasary we metbugat sekretary Ömer Çelik hem sosial media hasabyndan terror guramasy PKK/ÝPG-niň agzalarynyň Fransiýanyň Senatynda kabul edilmeginiň Fransiýa üçin iňňän utandyryjydygyny beýan edip; “Ol şol bir wagtda-da türk-fransuz dostlugyny nyşana alýan meçew beriji aksiýadyr. Bu masgaraçylygy berk ýazgarys” diýdi.