Italiýanyň Premýer ministri Türkiýä geldi
Italiýanyň Premýer ministri Mario Dragi Türkiýede saparda bolýar
Prezident Rejep Taýýip Erdogan, paýtagt Ankara şäherindäki Prezidentiň Kompleksinde Italiýanyň Premýer ministri Mario Dragini resmi dabara bilen garşylady.
Kommunikasiýalar edarasyndan berilen beýanata görä, Italiýanyň Premýer ministri Mario Dragi Türkiýä guran saparynyň çäginde Prezident Erdogan bilen Türkiýe-Italiýa Üçünji hökümetara sammitiniň maslahatyna ýolbaşçylyk eder.
Maslahatda Türkiýe-Italiýa gatnaşyklary ählitaraplaýyn gözden geçiriler, ikitaraplaýyn hyzmatdaşlygyň özgerdilmegi üçin edilip bilinjek ädimler ara alynyp maslahatlaşylar.
Italiýanyň Premýer ministri Mario Draginiň saparynyň çäginde Italiýa bilen ikitaraplaýyn gatnaşyklar bilen birlikde Türkiýe-Ýewropa Bileleşigi gatnaşyklary bilen sebitleýin we global meseleler barada pikir alyşar.
Degişli Habarlar
Kalyn Amerikan Wekiliýeti Bilen Duşuşar
Kalyn, ABŞ-nyň Wekiller palatasynyň agzalary bilen şu gün paýtagt Ankarada duşuşar.
Fidan Amerikan Wekiliýetini Kabul Etdi
Bu barasynda Daşary işler ministrliginiň X sosial media hasabyndan habarnama berildi.