Prezident Erdogan Beýik Britaniýanyň Premýer ministri bilen telefon arkaly söhbetdeş boldy

Prezidentiň ýanyndaky Kommunikasiýalar edarasyndan berilen beýanata görä, telefon söhbetdeşliginde Türkiýe-Beýik Britaniýa gatnaşyklary bilen birlikde Şwesiýanyň we Finlýandiýanyň NATO agzalyk talaby we Russiýa-Ukraina söweşi bilen birlikde sebitleýin hadysalar ele alyndy. 

Prezident Erdogan, telefon söhbetdeşliginde Şwesiýanyň we Finlýandiýanyň ekstremist terror guramasy PKK/ÝPG-nyň düzümindäki agzalary we guramalar bilen gatnaşyklaryň esasy mesele bolmagynda galýandygyny habar berdi. 

Finlýandiýanyň we Şwesiýanyň NATO-nyň gymmatlyklaryna eýe çykmagyna we Türkiýäniň kanuny aladalaryny kemçiliksiz ýagdaýda ýerine ýetirjegine göz ýetirmek isleýändiklerini aýdan Prezident Erdogan, terrora goldaw berýän ýurtlaryň NATO agzalyk talabyna garşy Türkiýedäki reaksiýanyň ünsden düşürilmeli däldigini beýan etdi.