Turkowak sanjymy ulanylmaga başlandy
Gyssagly ýagdaýda ulanylmagy barada rugsatnama berilen koronawirus sanjymy Turkowak sanjymy ýurdyň ähli ýerindäki şäher hassahanalarynda edilmäge başlandy
Giňişleýin häsýetde ulanylmaga başlanan Turkowak sanjymy, Ankara şäheriniň Şäher hassahanasynyň Umumy hassahana bölüminde edilmäge başlandy.
Şu gün irden köp sanda raýatyň sanjymy etdirmek üçin nobata duran hassahananyň 10 sanjym otagynda Turkowak sanjymy edilýär. Sanjym etdirmäge gelýän raýatlaryň köplügi sebäpli sanjym otaglarynyň sanynyň artdyrylyp bilinjekdigi habar berildi.
Turkowak sanjymyny etdiren Gazi Koç, 2 doza BioNTek sanjymyny etdirendigini, ýatlatma dozasy üçin bolsa Turkowak sanjymyny saýlandygyny mälim etdi.
Gazi Koç: "Düýn Saglygy goraýyş ministrimiz Fahrettin Koja Turkowak sanjymyny etdirdi. Men hem türk lukmanlaryna ynam bildirip ýerli sanjymy saýladym" diýip habar berdi.
Ozal 3 doza Sinowak sanjymyny etdirendigini aýdan Fatih Topalogly bolsa: "Ýatlatma dozasy hökmünde ýerli sanjymymyz Turkowak-a garaşdym we sanjymymy etdirdim. Herkime sanjym etdirmegini maslahat berýärin" diýip beýan etdi.
Saglygy goraýyş ministri Fahrettin Koja düýn beren beýanatynda, Turkowak-yň şu günden başlap Şäher hassahanalarynda edilmäge başlanjakdygyny habar beripdi.
Degişli Habarlar
Daşary Işler Ministri Fidan Gollandiýada Saparda Bolýar
Hakan Fidan, Gaga şäherinde Gollandiýanyň Premýer-ministri Mark Rutte bilen duşuşdy.
Erdogan Stambulda Žurnalistleriň Soraglaryna Jogap Berdi
Prezident R.T.Erdogan Stambulda Ysraýyl-Eýran dartgynlygy hakynda beýannama berdi.
