Türkiýäniň Goranmak ministri Kosowa saparyny dowam etdirýär
Hulusi Akar ozal bolsa Kosowanyň Prezidenti Wosa Osmani we Premýer ministri Albin Kurti bilen aýry-aýry duşuşyklar geçiripdi
Türkiýäniň Milli Goranmak ministri Hulusi Akar, Kosowada Osmanly Patyşasy Soltan I Myrat Hüdawendigaryň gubury bilen Kosowanyň halk gahrymany Adem Ýaşariniň guburlaryna zyýarat etdi.
Milli Goranmak ministri Hulusi Akar, Kosowadaky resmi saparyny dowam etdirýär.
Ýurdyň paýtagty Priştina şäheriniň golaýyndaky Osmanly Patyşasy Soltan I Myrat Hüdawendigaryň guburyna zyýarat eden ministr Hulusi Akar, ondan soň bolsa Prekaz obasyna geçdi.
Ol ýerde Kosowanyň Azatlyk goşunynyň esaslandyryjysy we serkerdeleriniň biri bolan, Kosowanyň halk gahrymany Adem Ýaşariniň we maşgalasynyň guburyny zyýarat edip, gül desselerini goýan ministr Hulusi Akara, Kosowanyň Goranmak ministri Armend Mehaj ýoldaşlyk etdi.
Hulusi Akar ozal bolsa Kosowanyň Prezidenti Wosa Osmani we Premýer ministri Albin Kurti bilen aýry-aýry duşuşyklar geçiripdi.
Degişli Habarlar
Prezident Erdogan, Gollandiýanyň Premýer-ministrini Kabul Etdi
Wahdettin köşgünde bolan kabul edilşik metbugata ýapyk häsiýetinde geçirildi.
TRT Ispan Digital Habar Platformasy Düşümli Bolsun
TRT Ispan digital habar platformasy dabaraly ýagdaýda açyldy.