Ibrahim Kalyn Garabag bilen bagly beýanat berdi

Amerikan musulman jemgyýetleri tarapyndan her ýyl geçirilýän "MAS-ICNA" kongresine gatnaşmak maksady bilen ABŞ-na giden Ibrahim Kalyn, Türkiýäniň Çikago şäherindäki Baş konsullugynda ABŞ-da ýaşaýan türk raýatlar bilen duşuşyk geçirdi. 

Türk-Amerikan gatnaşyklarynyň, strategik hyzmatdaşlyk perspektiwasyny ösdürjek derejesinde tankydydygyny aýdan Kalyn, jedelleşikli meseleler bilen birlikde Türkiýe bilen ABŞ-nyň üstünde işlemegä dowam edýän we ylalaşyga gelen ençeme ugryň hem bardygyna ünsleri çekdi. 

Berilen soraglaryň birine jogap beren Ibrahim Kalyn, ABŞ-daky ermeni lobisiniň Türkiýä bolan garşydaşlygyny şahsyýetleriniň bir bölegi ýagdaýyna öwürendiklerini belläp: "Kawkazlarda örän tapawutly bir tapgyr başdan geçirilýär, indi bolsa şol diasporanyň ähli energiýasyny, argumentini üstüne bina eden gurluş çöküp barýar. Ýagny Türkiýe-Ermenistan ýa-da Türk-Ermeni çaknyşygy, Kawkazlarda indi tamamlanyp barýar. Garabagyň azat bolmagy bilen birlikde, Garaşsyzlygyna eýe bolup, Azerbaýjanyň topraklaryna birikdirilmegi bilen birlikde taryhda täze bir sahypa açyldy" diýip mälim etdi.