BAE-niň Mirasdar Şazadasy Türkiýede saparda bolýar

BAE-niň Türkiýede maýa goýmak maksady bilen 10 milliard dollarlyk gazna bölüp aýyrandygy mälim edildi. 

Prezident Rejep Taýýip Erdogan Birleşen Arap Emirlikleriniň Mirasdar Şazadasy Muhammed Bin Zaýed Al Nahýany Beştepede myhman etdi. Bu möhüm sapar tankydy meseleler boýunça gazanylan ylalaşyklar bilen tamamlandy. 

Türkiýä gönüden maýa goýumlary artdyrjak: söwdadan energetika, ulag ulgamyndan saglygy goraýyş pudagyna çenli ençeme ugur boýunça ylalaşyklar gazanyldy. 

Erdogan we Al Nahaýan toparara gepleşiklerede ýolbaşçylyk etdiler. 

Iki ýurdyň arasyndaky gatnaşyklarda täze tapgyryň gapysyny çaljak ähli tankydy meseleler güntertibe getirildi. Maýa goýumlar, harby we howpsuzlyk hyzmatdaşlyk meseleleri bilen Liwiýa we Siriýa başda bolmak bilen sebitleýin meseleler ara alynyp maslahatlaşyldy. 

Gepleşikler tamamlananyndan soň resminamalara gol çekişlik dabarasyna geçildi. Söwda, energetika, nebithimiýa, tehnologiýa, ulag ulgamy, infrastruktura, saglygy goraýyş we daşky gurşaw ugurlary boýunça hyzmatdaşlygy giňeltjek özara düşünişmek baradaky memorandumlar bilen birlikde, Türkiýä gönüden maýa goýumlary özünde jemleýän resminamalara gol çekildi. 

Abu-Dabiniň Galkynyş Holdinginiň Dolanşyk geňeşiniň başlygy Mohamed Hasan Al Suwaidi, BAE-niň Türkiýä maýa goýmak üçin 10 milliard dollarlyk gaznany bölüp aýyrandygyny mälim etdi. 

Prezident Erdogan Al Nahaýanyň hormadyna agşam naharyny berdi. 

Prezidentiň kompleksindäki agşam nahary metbugata ýapyk häsýetde geçdi.