Bolgariýanyň Ankaradaky ilçisi Daşary işler ministrligine çagyryldy

Bolgariýanyň Ankara şäherindäki Adatdan daşary we doly ygtyýarly ilçisi Hristow Çolakow Daşary işler ministrligine çagyrylyp, Bolgariýada saýlawçylaryň türk resmileri tarapyndan ugrukdyrylýandygy we içerki işlerine goşulýandygy baradaky öňe sürmeler ret edildi. 

Türkiýäniň Daşary işler ministrliginiň resmilerinden alynan maglumata görä, Bolgariýada 14-nji noýabrda geçirilen Prezident we Parlament saýlawlaryna Türkiýäniň goşulandygy we Bolgariýanyň içerki işlerine goşulýandygy baradaky öňe sürmeler sebäpli Türkiýäniň Sofiýa şäherindäki Adatdan daşary we doly ygtyýarly ilçisi Aýlin Sekizköküň Bolgariýanyň Daşary işler ministrligine çagyrylmagyndan soň, Daşary işler ministriniň orunbasary we Ýewropa Bileleşigi işlerinden jogapkär ýolbaşçysy Faruk Kaýmakjy, Bolgariýanyň Ankara şäherindäki Adatdan daşary we doly ygtyýarly ilçisi Hristow Çolakowy Daşary işler ministrligine çagyrdy. 

Hristow Çolakow Türkiýäniň Bolgariýadaky saýlawlaryň çäginde Türkiýede ses berip bilmek babatynda her dürli hyzmatdaşlygyň edilendigi we ähli ýeňillikleriň döredilendigi, saýlawçylaryň Türkiýäniň resmileri tarapyndan ugrukdyrylýandygy we içerki işlerine goşulýandygy baradaky öňe sürmeleriň ret edilendigi aýan edildi. 

Bolgariýanyň Ankara şäherindäki Adatdan daşary we doly ygtyýarly ilçisi Hristow Çolakowa Türkiýäniň we Türkiýedäki ses bermek işleriniň Bolgariýanyň içerki syýasatynda hyýanatçylykly peýdalanylmagynyň garaşylmandygy bellenip, düzüminde şol ugurlary jemleýän nota berildi. 

Ilçi Hristow Çolakowa Türkiýäniň Sofiýa şäherindäki ilçihanasynyň öňünde geçirilen oňaýsyz protestler we aksiýalar bilen bagly nägilelik bildirildi.