Prezident Erdogan Angolanyň Prezidenti tarapyndan resmi dabara bilen garşylandy
Prezident Rejep Taýýip Erdogan Afrika materigine guran saparynyň ilkinji duralgasy bolan Angolanyň paýtagty Luanda şäherine bardy
Türkiýäniň Prezidenti Rejep Taýýip Erdogan düýn agşam Luanda Kuatro de Fewereýro halkara howa menzilinde Angolanyň Daşary işler ministri Tete Antonio we Türkiýäniň Luanda şäherindäki Adatdan daşary we doly ygtyýarly ilçisi Alp Aý tarapyndan garşylandy.
Resmi saparyna şu gün başlan Prezident Erdogan, Angolanyň Prezidenti Žoao Manuel Gonsalweş Lourensu tarapyndan Prezident köşgünde resmi dabara bilen garşylandy.
Kärdeşler ikiçäk we toparara gepleşiklerden soň, umumy metbugat ýygnagyny geçirerler.
Angolanyň mejlisinde çykyş etjek Prezident Erdogan soň bolsa Antonio Agostino Netonyň ýadygärligine zyýarat eder we Daşary Ykdysady Gatnaşyklar Geňeşi (DEIK) tarapyndan geçiriljek Angola-Türkiýe Işewürler forumyna gatnaşar.
Degişli Habarlar
Türkiýeden Gaza Ugradylan Ynsanperwer Kömek Gämisi Müsüre Bardy
Türkiýeden häzire çenli 13 uçar we 8 gämi bilen 42 tonnalyk ynsanperwer kömegi Gaza ugradyldy.