Türkiýe Mali döwletine gynanç bildirdi
Türkiýe Malide başdan geçirilen terrorçylykly hüjümde ýogalan adamlar sebäpli gynanç ýüzlenmesini çap etdi
Türkiýäniň Daşary işler ministrligi tarapyndan berilen ýazmaça beýanatda: "Maliniň Gao sebitinde 2021-nji ýylyň 8-nji awgustynda asuda ilatyň nyşana alynyp guralan terrorçylykly hüjümiň netijesinde 50-den gowrak adamyň ýogalandygy baradaky habary uly gynanç bilen aldyk. Guralan bu terrorçylykly hüjümi berk ýagdaýda ýazgarýarys, ýogalan adamlaryň maşgalalary bilen dogan-garyndaşlaryna, Maliniň halkyna we hökümetine çuňňur gynanç bildirýäris" diýip habar berildi.
Maliniň Ansongo sebitindäki Ouatagouna etrabynda ýerleşýän 4 aýry oba, ýaragly terrorçy toparlaryň hüjümine sezewar galypdy. Hüjümiň netijesinde onlarça adam ýogaldy, köp sanda adam bolsa ýaralandy.
Degişli Habarlar
Daşary Işler Ministri Fidan, Birleşen Arap Emirliklerinde Saparda Bolýar
Hakan Fidan,kärdeşi Abdullah bin Zaýid Al Nahýan bilen duşuşdy.
1 Hepde-de108 Terrorçy Täsirsiz Ýagdaýa Getirildi
1-nji ýanwardan bäri täsirsiz ýagdaýa getirlen terrorçylaryň sany 953-e ýetdi.