“Tomus Aýlarynda Ilkinji Ýerli Sanjymymyzyň Üstünlikli Ýagdaýda Öndüriljekdigine Ynanýaryn”

Saglygy goraýyş ministri Fahrettin Koja “Türkiýäniň täze görnüş koronawirus epidemiýasyna garşy ýerli sanjymyny öndürmek baradaky işleri güýçli depginde dowam edýär. Gysga wagtda öz sanjymyzy öndürjekdigimize ynanýarys” diýdi.

Ministr Koja, Bütindünýä saglygy goraýyş guramasynyň Ženewadaky merkezinde geçiren hepdelik metbugat ýygnagynyň ikinjisinde eden çykyşynda, ýerli sanjym işleri hakynda maglumat berdi.

Ministr Koja, Bütindünýä saglygy goraýyş guramasynyň sanjymlar hakyndaky sanawynda Türkiýäniň18 sanjymynyň ýer alýandygyny nygtap “Awgust ýada sentýabr aýlarynda ilkinji ýerli sanjymymyzyň üstünlikli ýagdaýda öndüriljekdigine ynanýaryn” diýdi.

Saglygy goraýyş ministri Koja, žurnalistleriň soraglaryna hem jogap berdi.

 “Kovid-19 epidemiýasyna garşy göreşde Türkiýe dünýä nähili goşant goşdy?” diýlen soraga jogap beren Ministr Koja,  Türkiýäniň epidemiýa döwründe 158 ýurda lukmançylyk enjamlary kömegini berendigini nygtady.

Ministr Koja, Kovid-19 etabynda Bütindünýä saglygy goraýyş guramasy bilen birlikde halkara derejesinde iş alyp barýan 14 gurama bilen hyzmatdaşlyk edendiklerini nygtap, “Kovid-19 etabynda men 20 ýurduň saglygy goraýyş ministri bilen ýakyndan aragatnaşyk sakladym. Ylmy geňeşimiz hem 13 ýurt bilen tejribe alyşady” diýdi.