"Syýasatda zenany aýyrýan, adamzadyň ýarsyna däl, eýsem ýaradylşada arkasyna döndügi bolar"

Ýurdyň Prezidenti we Adalat we ösüş partiýasynyň başlygy Rejep Taýýip Erdogan, paýtagt Ankarada geçirilen partiýasynyň Zenan şahalary 6-njy nobatdaky kongresinde eden çykyşynda, hem TBMM-de hem-de döwlet edaralarynda zenanlaryň sanyny artdyrandyklaryny belläp: "Durmuşyň beýleki ugurlarynda bolşy ýaly syýasatdada zenany aýyrýan, adamzadyň ýarsyna däl, eýsem ýaradylşada arkasyna döndügi bolar" diýip habar berdi. 

Zenananlara garşy edilýän zorluklar bilen bagly TBMM-de täze bir komissiýa döredendiklerini aýdan Erdogan: "Elimizden gelenini soňuna çenli ederis. Zenanlaryň zorluga sezewar galmagyna rugsat bermeris" diýip nygtady. 

Prezident Erdogan: "Zenanlaryň hukuklary babatynda ösen ýurtlardan zenan jenaýatlarynyň ýurdumuzdakydan ençeme esse köpdügi baradaky hakykaty görmediksiräp, Türkiýäni nyşana alýanlaryň derdi, milletimiziň edil özüdir" diýip belledi. 

Zenany eje, aýal, çaga ýa-da adam bolmakdan çykaryp köksüz, ruhsyz bir şahsyýet sypaty bilen öňlerine çykarmaga synanyşýanlaryň oýnuny oýnamajakdyklaryny aýdan Erdogan: "Täze döwürdäki ileri tutýan ugurlarymyzyň biri hem maşgala gurluşlaryny güýçlendirmek bolar" diýip mälim etdi.