Türkiýe, Nigeriýada Guralan Hüjümi Ýazgardy
"Hüjümde ýogalanlaryň hossarlaryna, dost we doganlyk ýurt nigeriýanyň halkyna we hökümetine duýgudaşlyk bildirýäris"
Türkiýe, Günbatar Afrikada ýerleşýän Nigeriýanyň Borno welaýatynda guralan terrorçylykly hüjümi ýazgardy.
Daşary işler ministrliginden berlen ýazmaça beýannamada, ýurduň Borno welaýatynda terror guramasy Boko Haram tarapyndan guralan terrorçylykly hüjümde 10 adamyň ýogalmagyna, köp sanly adamyň hem ýaralanmagyna uly gynanç bildirildi.
Beýannamada “Bu hyýanatçylykly terrorçylykly hüjümi berk ýazgarýarys. Hüjümde ýogalanlaryň hossarlaryna, dost we doganlyk ýurt nigeriýanyň halkyna we hökümetine duýgudaşlyk bildirýäris, ýaralananlara gyssagly şypa dileýäris” diýildi.
Nigeriýanyň Borno welaýatynda terror guramasy Boko Haram tarapyndan guralan terrorçylykly hüjümde 10 adam ýogalypdy, 60 adam hem ýaralanypdy.
Degişli Habarlar
Türkiýeden Gaza Ugradylan Ynsanperwer Kömek Gämisi Müsüre Bardy
Türkiýeden häzire çenli 13 uçar we 8 gämi bilen 42 tonnalyk ynsanperwer kömegi Gaza ugradyldy.
Daşary Işler Ministri Fidan Gollandiýada Saparda Bolar
Ministr Fidan, saparynyň çäginde gollandiýaly kärdeşi Clot Hanke Brýuinz bilen duşuşar.