Prezident Erdogan Hasan Ruhani bilen telefon arkaly söhbetdeşlik geçirdi

Prezidentiň ýanyndaky Kommunikasiýalar edarasyndan berilen beýanata görä, telefon söhbetdeşliginde ykdysadyýet, transport, howpsuzlyk we beýleki ugurlar boýunça Türkiýe-Eýran gatnaşyklaryny ösdürjek ädimler we sebitleýin meseleler ara alynyp maslahatlaşyldy.

Prezident Erdogan telefon söhbetdeşliginde Türkiýe-Eýran gatnaşyklarynyň güýçlendirilmegi bilen bagly ygtyýary gorap saklaýandyklaryny belläp geçdi.

ABŞ-nyň täze hökümetiniň Eýrana garşy birtaraplaýyn häsýetde goýan sanksiýalaryndan ýüz öwürip, Eýranyň halkynyň abadançylygynyň öňündäki haksyz päsgelçilikleri aýyrmagyny dileýändiklerini aýdan Prezident Erdogan, soňky birnäçe gün bäri mesele bilen bagly berilýän beýanatlaryň täze bir mümkinçiligiň penjiresiniň açylmagyna sebäp boljakdygyna ynanýandyklaryny nygtady.

Prezident Erdogan, ähli taraplaryň Umumy Hereket meýilnamasynyň ýaňadandan işjeň ýagdaýa getirilmeginde jemlenmeginiň iň makul hereket boljakdygyny we ähli kynçylyklara garamazdan dialog gapysynyň açyk tutulmagynyň ähmiýetli boljakdygyny beýan etdi.