"Ýurtda terror meselesi düýbünden çözülýänçä çenli göreşimiz tutanýerlilik bilen dowam eder"

Ýurdyň Prezidenti we Adalat we ösüş partiýasynyň başlygy Rejep Taýýip Erdogan, paýtagt Ankara şäherinde 7-nji nobatdaky Welaýat kongresinde eden çykyşynda terrora garşy göreşiň üstünde durup geçdi. 

Serhediň çäklerindäki we serhediň daşyndaky iň soňky terrorçy täsirsiz ýagdaýa getirilýänçä çenli operasiýalaryň dowam etjekdigini aýdan Erdogan: "Terroryň başy mynjyradylýança we ýurtda terror meselesi düýbünden çözülýänçä çenli göreşimiz tutanýerlilik bilen dowam eder. Bu jennet watanymyz janymyzy gaýgyrman FETÖ agza dönüklerede, PKK-a agza ganhorlarada, DAIŞ-e agza jenaýatkärlerede bermedik, mundan soň hem bermeris" diýip belledi. 

Prezident Erdogan koronawirus epidemiýasy bilen baglanşykly bolsa, döwlet hökmünde pandemiýanyň ilkinji gününden başlap ýurdyň hem öz içinde hem-de daşary ýurtda ýaşaýan raýatlara eýe çykandyklaryny habar berdi. 

Türkiýede 5 million 200 müň adama sanjymyň edilendigini we sanjym işleriniň giňişleýin ýagdaýda dowam edýändigini aýdan Erdogan: "Her pudak bilen bagly durmuşa geçiren ýörite programmalarymyz bilen ykdysadyýetimizi dik aýakda tutdyk" diýip mälim etdi.