Garakçylar Tarapyndan Zamun Alynan Raýatlar Gysga Möhletde Halas Ediler

Ulaglar we infrastruktura ministri Adil Karaismailogly Nigeriýanyň deňiz ýalpaklarynda barýarka deňiz garakçylarynyň hüjümine sezewar bolan we zamun alynan raýatlaryň gysga möhletde halas ediljekdigini aýtdy.

Karaismailogly Sinop şäherinde beren beýannamasynda garakçylar tarapyndan zamun alynan deňizçilerden sinoply Wedat Aksanyň kakasy Murat Aksan bilen duşuşandygyny beýan edip, türk döwletiniň elmydama raýatlarynyň ýanyndadygyny aýtdy.

Karaismailogly: “Mesele bilen ýakyndan gyzyklanýarys. Enşalla gysga möhletde çözmegi tama edýäris. Mesele bilen bagly giňişleýin iş alyp barýarys. Daşary işler ministrligimiz bilen yzgiderli aragatnaşygymyz bar. Enşalla oglumyzy gysga wagtda Murat aga gowşurarys. Türk döwleti elmydama raýatlarynyň ýanynda. Gysga möhletde raýatlarymyzy garakçylardan halas ederis” diýdi.

Nigeriýanyň deňiz giňişliginde ekipažy türklerden ybarat bolan ýük gämisi garakçylaryň hüjümine sezewar bolup, hüjümde Azerbaýjanyň raýaty bilen bir deňizçi ölüpdi, 15 türk deňizçisi zamun alynypdy.