Mewlüt Çawuşogly Türkiýe-ABŞ gatnaşyklary barada beýanat berdi
Daşary işler ministri Mewlüt Çawuşogly, hemleli we sanksiýa diliniň, Türkiýe bilen ABŞ-nyň arasyndaky gatnaşyklarda ýeriniň bolmandygyny belledi
Türkiýäniň Daşary işler ministri Mewlüt Çawuşogly, Global žurnalistler geňeşiniň ýaýlym organy bolan Global Media žurnalyna beren beýanatynda, Türkiýäniň we ABŞ-nyň arasynda ikitaraplaýyn bähbitlere we umumy gymmatlyklara esaslanýan berk we wagty bilen synagdan geçen hyzmatdaşlyga eýedigini belledi.
Mewlüt Çawuşogly, ABŞ-nyň ozal bolşy ýaly bitarap pozisiýasyna bagly galan ýagdaýynda Gündogar Ortaýer deňizi ýaly sebitleýin meselelerde konstruktiw rol eýeläp biljekdigini habar berdi.
ABŞ-nyň FETÖ we ÝPG ýaly terror guramalary bilen inersiýasynyň ýa-da hyzmatdaşlygynyň Türkiýäniň milli howpsuzlygyna gönüden täsiriniň bardygyny aýdan Mewlüt Çawuşogly, ABŞ-nyň täze hökümetiniň bu babatda gyssagly ýagdaýda herekete geçmäge çagyrdy.
Mewlüt Çawuşogly: "Islendik ýagdaýda dialog we diplomatiýa bilen düşünişmezçilikleriň hötdesinden gelip boljakdygyna ynanýarys. Hemle we sanksiýa diliniň bular ýaly möhüm gatnaşyklarda ýeri ýokdyr" diýip nygtady.
Mewlüt Çawuşogly ABŞ-nyň hökümetiniň Türkiýä garşy kabul eden sanksiýa kararyny hem ýazgardy.