Prezident Erdogan, Saad Haririni Kabul Etdi
Türkiýe dost we doganlyk ýurt liwanyň halkynyň jebisligi üçin ähli taraplaýyn goldaw bermäge dowam eder
Prezident R. T. Erdogan, Liwanda hökümeti gurmak jogapkärçiligi berlen Saad Haririni kabul etdi.
Kommunikasiýalar edarasyndan berlen beýannama görä, Prezident Erdogan, Saad Hariri bilen Stambulda Wahdettin köşgünde duşuşdy.
Duşuşykda Türkiýe bilen Liwanyň arasyndaky syýasy, ykdysady, söwda we medeniýet ýaly ugurlarda edilýän gatnaşyklaryň ösdürilmegi bilen birlikde sebitara meseleler ara alnyp maslahatlaşyldy.
Prezident Erdogan duşuşykda, geçmişi taryhyň çuňluklaryna çenli uzap gidýän özara gatnaşyklaryň ähli taraplaýyn ösdürülmegini isleýändiklerini belledi.
Erdogan, Türkiýäniň dost we doganlyk ýurt liwanyň halkynyň jebisligi üçin ähli taraplaýyn goldaw bermäge dowam etjekdigini nygtady.
Saad Hariri hem Türkiýäniň Liwana berýän goldawlary we maýa goýumlary üçin Prezident Erdogana sagbolsun aýtdy.
Degişli Habarlar
Daşary Işler Ministri Fidan Gollandiýada Saparda Bolar
Ministr Fidan, saparynyň çäginde gollandiýaly kärdeşi Clot Hanke Brýuinz bilen duşuşar.
Terrorçy Täsirsiz Ýagdaýa Getirildi
Iki hepde-de ekstremist terror guramasy PKK-a agza 75 terrorçy täsirsiz ýagdaýa getirildi.