ABŞ-da Başdan Geçirlen Wakalar hemmeleri geň galdyrdy"

Prezident R. T. Erdogan, özlerini demokratiýanyň merkezi hökmünde görýän ABŞ-da Kongresiň jaýyna girilmeginiň hemmeleri geň galdyrandygyny nygtady.

Prezident Erdogan, Stambulda gün tertibiniň ileri tutulýan ugurlary hakynda beýanat berdi.

Erdogan beýannamasynda ABŞ-nyň paýtagty Waşingtonda 6-njy ýanwarda Jo Baýdeniň prezidentlik saýlawynyň tassyklanjak oturluşygynyň geçirilýän pursatlarynda, Prezident Donald Trampyň tarapdarlarynyň Kongresiň jaýyna girmegi hakynda durup geçdi.

Erdogan “Özlerini demokratiýanyň merkezi hökmünde görýän ABŞ-da başdan geçirlen wakalar hemmeleri geň galdyrdy” diýdi.

Erdogan, Türkiýede 2013-nji ýylda başdan geçirlen wakalarda we 2016-njy ýylyň 15-nji iýulyndaky agdarlyşyk synanşygynda dymmagy saýlap alan we bu meselede birnäçe habar taýarlan ABŞ-na we ABŞ-nyň köpçülikleýin habar beriş serişdelerine reaksiýa bildirdi.

Mundan soňky etapda Baýdeniň ýolbaşçylygynda ABŞ-da parahatçylygyň gysga wagtda ýola goýulmagyny arzuw edýändigini aýdan Erdogan, “Täze görnüş koronawirus epidemiýasy döwrüni başdan geçirýäris. Epidemiýa döwründe diýseň ünsli çemeleşilmeli. Halkara gatnaşyklarda hem ABŞ-da has tapawutly döwre girilmeli. Ýogalanlaryň hossarlaryna gynanç bildirýärin, ýaralananlara şypa dileýärin” diýdi.

Öňňin Ak Tamyň öňünde Trampyň gatnaşmagynda geçirlen mitingden soň, Kongresiň jaýyna tarap ýörän müňlerçe tarapdar bilen howpsyzlyk güýçleriniň arasynda çaknyşyk bolupdy. Polis barrikadalaryny geçen käbir protestçylar Kongresiň jaýyna giripdi

Başdan geçirlen wakalarda 5 adam ýogalypdy, köp sanly adam hem ýaralanypdy. Wakalarda howpsyzlyk güýçleriniň ot açandygy sebäpli ýogalan zenanyň 12 ýyl Howa güýçleri serkerdeliginde işländigi anyklandy.