Terrorizme Garşy Göreş Egilşiksiz Dowam Edýär
Tunjeli welaýatynda biri gyzyl, beýlekisi mämişi kategoriýada 2 terrorçy täsirsiz ýagdaýa getirildi
Içeri işler ministrliginden berilen beýannamada Tunjeli welaýatynyň Owajyk etrabynda 2-nji oktýabr anna güni Welaýat Žandarm serkerdeligi tarapyndan Howa güýçleriniň goldaw bermeginde geçirilen “Ýyldyrym-4” operasiýasynda 2 terrorçynyň ýaragy bilen bilelikde täsirsiz ýagdaýa getirilendigi habar berildi.
Täsirsiz ýagdaýa getirilen terrorçylardan biriniň, terrordan gözlenýänleriň sanawynda gyzyl kategoriýa degişli terror guramasy TKP/ML TIKKO-nyň Tunjeliden jogapkäri diýilýän “Özgür” kodly Ali Kemal Ýylmazdygy anyklandy. Terrorçynyň guramanyň hataryna 2007-nji ýylda goşulandygy, sabbotaž, mine we granat boýunça hünärmen bolandygy anyklandy.
Öldürilen beýleki bir terrorçynyň sanawda mämişi kategoriýa degişli TKP/ML TIKKO-nyň aýallar bölüminden jogapkär “Asmin” kodly Gökçe Kurbandygy anyklandy.
