Gurban baýramy Türkiýede we bütin Yslam dünýäsinde bellenilmäge başlandy
4 gün dowam etjek Gurban baýramy, täze görnüş koronawirus epidemiýasynyň täsiri astynda bellenilip geçilýär
Raýatlar baýram namazyny sosial araçäk we arassaçylyk düzgünlerine görä okadylar.
86 ýyl soň ybadata açylan Aýasofýa metjidinde ilkinji baýram namazy Din işler guramasynyň başlygy Prof.Dr Ali Erbaşyň ýolbaşçylyk etmeginde okaldy.
Ilkinji baýram namazy metjidiň içini we töweregini dolduran müňlerçe raýatyň gatnaşmagynda ýerine ýetirildi.
Aýasofýa metjidinde 86 ýyl arakesmeden soň ilkinji Gurban baýram hutbasyny okan Prof.Dr Ali Erbaş: “Baýramyň asudalygyny ählimiz birlikde ýaşalyň. Emma keselleriň ýaýramagyna sebäp bolmalyň we bu baýram günlerini gam-gussa öwürmäliň. Maska we howpsyz araçäk düzgünlerini berjaý edeliň. Baýram günlerinde we epidemiýa tapgyrynda salamlaşmaga we gujaklaşmaga arakesme bereliň” diýip belledi.
Degişli Habarlar
Türkiýe Gaza Ynsanperwer Kömegini Bermäge Dowam Edýär
Önjü Keçeli, Türkiýäniň Gaza iň köp ynsanperwer kömegini beren ýurtdygyny aýtdy.