Terrora garşy egilşiksiz göreş dowam edýär

Şyrnakda 3 terrorçy täsirsiz ýagdaýa getirildi.

Şyrnak welaýatynyň Idil etrabynda howa güýçleriniň goldaw bermeginde geçirlen operasiýada 3 terrorçy täsirsiz ýagdaýa getirildi.

Içeri işler ministrliginden berlen beýannama görä, içerki howpsyzlyk operasiýalarynyň çäginde Şyrnak welaýatynyň Idil etrabynda howa güýçleriniň goldaw bermeginde operasiýa geçirildi.

Operasiýada ýaragly 3 terrorçy täsirsiz ýagdaýa getirildi.

Welaýatda operasiýalar dowam edýär.

Beýleki tarapdan Milli goranmak ministrliginden berlen beýanata görä, Penje operasiýasy bilen utgaşykly ýagdaýda Yragyň demirgazygyndaky Awaşin etrabyna guralan howa hüjüminde ekstremist terror guramasy PKK-a agza 3 terrorçy täsirsiz ýagdaýa getirildi.

Beýleki tarapdan Içeri işler ministrligi tarapyndan 21-nji sentýabrda başladylan “Gyran-3 operasiýasynda ikisi çal sanawynda bolmak bilen jemi 16 terrorçy täsirsiz ýagdaýa getirildi.

17-nji awgustda Hakkari –Wan-Şyrnakda başladylan Gyran-1, 27-nji awgustda Mardin-Batman-Şyrnakda başladylan Gyran-2 we 21-nji sentýabrda Siirt we Şyrnakda başladylan Gyran-3 operasiýalarynda häzire çenli 43 terrorçynyň täsirsiz ýagdaýa getirlendigi nygtaldy.

Operasiýalarda 58 gowak we gaçybatalga bilen ýarag ammarynyň hatardan çykarlandygy, köp sanly ok-däriniň ele geçirlendigi bellenildi.