Türkiýe, Trampyň Golan depelerinde Ysraýylyň özygtyýarlygyny ykrar edýän kararyny ýazgardy
“ABŞ-nyň Ysraýyl tarapyndan 1967-nji ýylda basylyp alynan Golan depelerinde Ysraýylyň özygtyýarlygyny ykrar edýän kararyny berk ýazgarýarys”
Türkiýe, ABŞ-nyň Prezidenti Donald Trampyň Golan depelerinde Ysraýylyň özygtyýarlygyny ykrar edýän kararyny berk ýazgardy
Daşary işler ministrligi tarapyndan berlen ýazmaça beýanatda, “Amerikan hökümetiniň Ysraýyl tarapyndan 1967-nji ýylda basylyp alynan Golan depelerinde Ysraýylyň özygtyýarlygyny ykrar edýän kararyny berk ýazgarýarys” diýildi.
Beýanatda BMG-nyň Howpsyzlyk geňeşiniň 1981-nji ýylda kabul eden 497 belgili kararynyň başda durmagynda halkara hukugyny basgylaýan kararyň, resmi Waşingtonyň Ýakyn Gündogarda kynçylyklaryň çözülmegini däl eýsem dartgynlyga meçew berýän tutumyny dowam etdirýändigini görkezýändigi nygtaldy.
Beýanatda “Ady agzalýan kararyň hiç hili güýji ýok. Ysraýylyň halkara hukugyna bap gelmeýän göçümlerini legallaşdyrmaga çalyşmak sebitdäki dartgynlygyň möwjemegine itergi berer. BMG-nyň Howpsyzlyk geňeşiniň kararlaryny ýerine ýetirmek halkara jemgyýetçiliginiň esasy jogapkärçiliklerinden biridir”diýildi.
ABŞ-nyň Prezidenti Donald Tramp düýn 52 ýyldan bäri basyp alyşlyk astynda bolan Golan depelerinde Ysraýylyň özygtyýarlygyny ykrar edýän kararnama gol goýupdy.
Degişli Habarlar
Daşary Işler Ministri Fidan, Birleşen Arap Emirliklerinde Saparda Bolýar
Hakan Fidan,kärdeşi Abdullah bin Zaýid Al Nahýan bilen duşuşdy.
