Türk metbugatynyň gysgaça mazmuny
Ýurduň we dünýäniň gün tertibiniň ileri tutulýan ugurlary bilen bagly habarlar gündelik gazetlerde giň seslenme döredýär.
“Watan” gazeti “Soňky bir hepdede 38 terrorçy täsirsiz ýagdaýa getirildi” söz başyly habarynda, Milli goranmak ministrliginiň metbugata maglumat beriş ýygnagynda Yragyn we Siriýanyň demirgazygy bilen bilelikde soňky bir hepdede 38 terrorçynyň täsirsiz ýagdaýa getirilendigi hakynda maglumat berilendigini ýazýar. Şeýlelikde 1-nji ýanwardan bäri täsirsiz ýagdaýa getirilen terrorçylaryň sany 268 sanysy Yragyň, 378 sanysy Siriýanyň demirgazygynda jemi 646 boldy.
“Sabah” gazeti “Türkiýaniň Gaza üçin 8-nji ynsanperwer kömek gämisi ýola düşdi” söz başyly habarynda, Tebigy betbagtçylyklar we adatdan daşary ýagdaý dolanşygy edarasynyň, Gaznalar boýunça Baş müdiriligi bilen bilelikde taýýarlan 8-nji ynsanperwer kömek gämisiniň Gazanyň halky üçin Mersin portundan ýola düşendigini mälim edýär. Kömek gämisi bilen palestin halkyna jemi 2,960 tonna kömek ugradyldy.
“Hürriýet” gazeti “Türkiýe ABŞ-nyň esasy top güllesi eksportçysy boldy” söz başyly habarynda, ýarag we ok-däri önümçiliginde dünýäniň öňdebaryjy ýurtlarynyň hataryna goşulan Türkiýäniň ABŞ-nyň esasy top güllesi eksportçysy bolandygyna ünsleri çekýär. ABŞ, goşuny üçin gerek bolan müňlerçe 155 millimetr kalibrli top okuny Türkiýeden alýar.
“Ýeni Şafak” gazeti “Stressi ölçeýän enjam 20-den gowrak ýurda eksport edilýär” söz başyly habarynda, Ankaranyň Bilkent şäher hassahanasynyň biohimiýa laboratoriýasynyň Utgaşdyryjysy professor Özjan Ereliň oýlap tapan, bedendäki himiki stressi ölçeýän ýerli enjamyň dünýäniň 20-den gowrak ýurduna eksport edilýändigini okyjy köpçüliginiň dykgatyna ýetirýär.
“Haber Türk” gazeti “Milliarderler şäheri: Stambulda Ýewropada birinji bäşlikde” söz başyly habarynda, Merkezi Hytaýda ýerleşýän ykdysadyýet platformasy “Hurun Reportyň” “Global baýlar sanawyna” görä dünýäde iň köp dollar milliarderiniň Nýu-Ýorkda we Londonda ýaşaýandygyny, Türkiýeden Stambul şäheriniň dünýäde 25-nji orunda, Ýewropada bolsa birinji bäşlikde durýandygyny ýazýar.
