Türk metbugatynyň gysgaça mazmuny
Gündelik gazetler ýurduň we dünýäniň gün tertibiniň ileri tutulýan ugurlary bilen bagly habarlara giň orun berýärler.
“Ýeni Şafak” gazeti “Hamas Erdoganyň tagallalary bilen 7 taýlandlyny azat etdi” söz başyly habarynda, Hamasyň Ysraýyl bilen gazanan ýesir çalşygy ylalaşygynyň çäginde 7 taýlandly ýesiri azat edendigini ýazýar. Hamas şol 7 ýesiriň Prezident R.T.Erdoganyň Gazadaky durnukly parahatçylygyň ýola goýulmagy ugrunda edýän diplomatik tagallalaryna jogap hökmünde azat edilendigini beýan etdi.
“Star” gazeti “Fransuz aklawçynyň Türkiýe hakyndaky awgüli sözleri” söz başyly habarynda, Halkara jenaýat kazýetiniň palestinalylara wekilçilik edýän fransuz aklawçysy Gill Dewersiň türk metbugatynyň alan suratlarynyň bilen Ysraýylyň Gazada ak fosfor bombasyny ulananandygynyň subut edilmeginde uly paýynyň bardygyny aýdandygyny ýazýar.
“Haber Türk” gazeti “Türkiýe bilen Wengriýanyň arasyndaky söwda mukdary artýar” söz başyly habarynda, Senagat we tehnologiýalar ministri Mehmet Fatih Kajyryň Wengriýa 2 günlük sapar gurandygyny mälim edýär. Ministr Kajyr Türkiýe bilen Wengriýanyň arasyndaky söwda mukdarynyň 4 milliard dollara golaýlandygyny beýan edip; “Liderlerimiziň goýan 6 milliard dollarlyk maksady bar we şol maksada tarap öňe barýarys” diýdi.
“Watan” gazeti “Türkiýe iş ýüzüne geçirdi, dünýä syn etdi” söz başyly habarynda, Ulaglar we infrastruktura ministri Abdulkadir Uraloglunyň dünýäni haýran edýän taslamalary iş ýüzüne geçirendiklerini aýdandygyna ünsleri çekýär. Ministr Uralogly; “21-nji asyrda 3,844 köprü guran bolsa, 405 tunel açyp, raýatlarymyzyň ulanmagyna berdik” diýdi.
“Hürriýet” gazeti “Ugur Şahin rak sanjymy üçin wagt kesgitledi” söz başyly habarynda, sanjymlar arkaly Kowid-19 pandemiýasyny ýeňip geçen dünýäniň, rak sanjymy bilen bagly garaşýan umytly habaryny türk alymy Ugur Şahiniň berendigini ýazýar. Şahin her bir adam üçin ýörite niýetlenen mRNA esasly rak sanjymlarynyň 2030-njy ýyldan öň tassyklanyp biljekdigini beýan etdi.
