Türk metbugatynyň gysgaça mazmuny

Hürriýet gazedi: "Erdogan: Halkara guramalar ýurdumyza gyzyklanma bildirýär" söz başyly habarynda, Prezident Rejep Taýýip Erdoganyň, ýurdy ösdürmek ugrundaky maksatnamalarymyza zyýan ýetirmän, makro ykdysadyýeti güýçlendirjek programmalary durmuşa geçirýändiklerini habar berdi. Erdogan: "Ynam gurşawynyň saýasynda halkara maliýe guramalary 10 milliardlarça çeşmäni ýurdumyza ýatyrmaga başladylar" diýip belledi. 

Sabah gazedi: "Türk potratçylar global bäsdeşlikde öň hatara çykýar" söz başyly habarynda, Prezident Erdoganyň daşary ýurtlarda türk potratçylar tarapyndan durmuşa geçirilen taslamalary gördükleri saýyn buýsanýandyklaryny aýdandygyny mälim edýär. Erdogan: "Türkiyäniň soňky ýyllarda amala aşyran infrastruktura göçümleri potratçylarymyzy global bäsdeşlikde öň hatara çykardy" diýip nygtady. 

Haber Türk gazedi: "Fidan: BMG-nyň bitaraplygyny ýitirendigine ynanýarys" söz başyly habarynda, Daşary işler ministri Hakan Fidanyň BMG-nyň Parahatçylyk güýjüniň DKTR-nyň territoriýasynyň çäklerinde ynsanperwer zerurlyklary üpjün etjek Pile-Ýigitler ýolunyň gurluşygyna garşy eden herekerine nägilelik bildirip: "BMG-nyň bitaraplygyny bu wakada ýitirendigine ynanýarys. DKTR-nyň dogry çemeleşmesini ahyryna çenli goldaýarys" diýip aýtdy. 

Star gazedi: "ABŞ: Türkiyäniň beýgelişinden peýdalanmalydyrys" söz başyly habarynda, Türkiyäniň Saud Arabystany, BAE we Ysraýyl bilen ýola goýan diplomatik gatnaşyklara ünsleri çeken Amerikan metbugatynyň: "ABŞ sebitdäki syýasy we harby güýjüni dowam etdirmek isleýän bolsa Türkiyäniň bu beýgelişinden peýdalanmalydyr we Türkiye bilen ýakyn gatnaşyklary ýola goýmalydyr" diýendigini beýan edýär. 

Ýeni Şafak gazedi: "Bolgariýa Türkiyäniň ÝB-ne agzalyk tapgyryny goldaýar" söz başyly habarynda, Bolgariýanyň Daşary işler ministri Gabrielanyň, Türkiyäniň Ýewropa Bileleşiginiň agzalyk tapgyry bilen baglanşykly: "Bolgariýa hem agza hökmünde Ankaranyň Ýewropa ýolundaky bu başlangyçlaryny goldaýar" diýendigini aýan edýär.