Türk metbugatynyň gysgaça mazmuny

Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär.

1763537
Türk metbugatynyň gysgaça mazmuny

“Sabah” gazeti, “Günbatarly köpçülikleýin habar beriş serişdeleri boýun aldy; Ýeke-täk ýol Türkiýe bilen hyzmatdaşlyk etmek” söz başyly habarynda, merkezi Brýusselde ýerleşýän EU Obserwer gazetinde Türkiýe bilen arabaglanşykly möhüm makalanyň çap edilendigini ýazýar.

“Türkiýe bilen ÝB-niň arasynda geosyýasy hyzmatdaşlygyň wagty geldi” söz başyly makalada, Türkiýäniň geo syýasy ähmiýetine üns çekilip “Ýeke-täk ýol Türkiýe bilen hyzmatdaşlyk etmek” diýlendigini belleýär.

“Ýenişafak” gazeti “Waşington Post Baýraktar TB2 hakyndaky habarlara giňişleýin ýer berdi” söz başyly habarynda, ABŞ-nyň “Waşington Post” gazetiniň Türkiýäniň milli uçarmansyz howa ulagy Baýraktar TB 2 hakyndaky habarlary okyjylarynyň dykgatyna ýetirendigini mälim edýär. Baýraktar TB 2-niň howa güýçlerine uly mümkinçilik hödürleýändigine üns çekilýär.

“Star” gazeti, “Goňşudan TOGG barada öwgüli sözler” söz başyly habarynda bütin dünýäniň ünsüni özüne çeken Türkiýäniň ýerli ulagy TOGG hakyndaky habarlara Gresiýanyň köpçülikleýin habar beriş serişdeleriniň hem giňişleýin ýer berendigini nygtaýar. Gresiýanyň köpçülikleýin habar beriş serişdeleri “Türkler, Ýewropany zabt etmäge taýar we Prezident Erdoganyň TOGG bilen arzuwy hasyl bolar” diýdi.

“Watan” gazeti, “TEKNOFEST-iň Ylym we tehnalogiýa şemaly Azerbaýjanda öwser” söz başyly habarynda, dünýäniň iň uly awiasiýa, emeli hemra we tehnalogiýa festiwaly TEKNOFEST-iň bäşinjisiniň doganlyk ýurt Azerbaýjanda maý aýynyň 26-29-y aralygynda geçiriljekdigini habar berýär.

TEKNOFEST tehnalogiýa, ylym, bäsleşik, doganlyk we dostluk duýgulary bilen doly festiwal bolar.



Degişli Habarlar