Türk metbugatynyň gysgaça mazmuny

Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär

1737839
Türk metbugatynyň gysgaça mazmuny

Hürriýet gazedi: “Prezident Erdogan: Saýlawlar 2023-nji ýylyň iýun aýynda geçiriler” söz başyly habarynda, Ýurduň Prezidenti we Adalat we ösüş partiýasynyň başlygy Rejep Taýýip Erdoganyň düýn Partiýanyň Welaýat başlyklarynyň giňeldilen maslahatynda eden çykyşynda möhletinden irki saýlaw bilen bagly jedelleşikleriň üstünde durup geçip: “Entegem möhletinden irki saýlaw, möhletinden irki saýlaw diýilýär. Möhletinden irki saýlaw bolmaz. Saýlawlar 2023-nji ýylyň iýun aýynda geçiriler” diýendigini habar berýär.

Sabah gazedi: “Gara deňizde tapylan gaz 2022-nji ýylda çykarylmaga başlanar” söz başyly habarynda, Energetika we tebigy serişdeler ministri Fatih Dönmeziň, Gara deňizde tapylan gaz ýataklaryndaky tebigy gazyň 2022-nji ýylyň ýaz aýlarynda çykarylmaga başlanjakdygyny aýdandygyny mälim edýär.

Star gazedi: “”Ministr Muş Türkiýäniň pawilýonynyň açylyşyny ýerine ýetirdi” söz başyly habarynda, Türkiýäniň Söwda ministri Mehmet Muşyň Türkiýäniň BAE-niň Dubaý şäherinde geçirilýän "Ekspo 2020 Dubaý" çäresine gatnaşmagynyň, dünýäde geçirilýän ekspolara berilýän ähmiýet bilen birlikde BAE bilen bolan gatnaşyklara hem berilýän ähmiýetiň subutnamasydygyny aýdandygyny beýan edýär.

Watan gazedi: “Ministr Akar, Somaliniň Baş Ştabynyň başlygy Rageni kabul etdi” söz başyly habarynda, Türkiýäniň Milli Goranmak ministri Hulusi Akaryň, Somaliniň Baş Ştabynyň başlygy Odawa Ýusuf  Rageni kabul edendigini okyjy köpçüliginiň dykgatyna ýetirýär. Türkiýäniň Goranmak ministrliginden berilen beýanatda, ministr Akar tarapyndan Türkiýe bilen dostlukly we doganlyk ýurt Somaliniň arasynda syýasy we harby hyzmatdaşlygyň özgermäge dowam edýändigini, Türkiýäniň Somaliniň halkynyň parahatçylygy, howpsuzlygy we asudalygy üçin her dürli goldawy bermäge dowam etjekdigini aýdandygyny aýan edýär.

Ýeni Şafak gazedi: “Syýahatçylykda ýaz howasy: 10 aýda 21 million syýahatçy” söz başyly habarynda, Türkiýä ýylyň ilkinji 10 aýynda gelen syýahatçylaryň sanynyň geçen ýylyň şol döwri bilen deňeşdirilende 88 göterim artyp, 21,1 milliona ýetendigine ünsleri çekýär.


Etiketkalar: #Türkiýe , #gazet , #metbugat

Degişli Habarlar