Türk metbugatynyň gysgaça mazmuny 05.06.2014
Gün tertibiniň ileri tutulýan ugurlary bilen baglanşykly habarlar gazetlerde giňişleýin ýer alýar
“Star” gazeti “Türk geňeşiniň 4-nji maslahaty Bodrumda” söz başyly habarnda Türkiýäniň ýer eýeçiliginde geçirilýän maslahata Azerbaýjanyň, Gyrgyz Respublikasynyň, Gazagystanyň we Türkmenistanyň Prezidentleriniň gatnaşýandygyny ýazýar.
Prezident Gülüň kärdeşleri bilen iki çäk gepleşikler geçirendigini ýazýan gazet, Abdulla Gülüň 4 lideriň hormatyna agşam naharyny berendigini ýatladýar.
“Akşam” gazeti “Medeni miras Türkiýeden soralar” söz başyly habarynda Türkiýäniň ÝUNESKO-nyň Konkret däl medeni miras hökümetara komitetine agzalyga saýlanandygyny aýan edýär.
Gazet Türki dilli ýurtlaryň Hyzmatdaşlyk geňeşiniň 4-nji maslahatynda çykyş eden Daşary işler ministri Ahmet Dawutoglynyň Türkiýäniň ÝUNESKO-nyň Konkret däl medeni miras hökümetara komitetine agzalyga saýlanandygyna ünsi çekendigini belleýär.
“Watan” gazeti “Mata ýarmarkasy Premiera Wision Stambula gelýär” söz başyly habarynda Fransiýanyň paýtagty Parižde 1973-nji ýyldan bäri geçirilýän we dünýäniň iň möhüm mata ýarmarkalaryndan biri bolan Premiere Wisionyň indi Stambulda hem ýylda iki gezek geçiriljekdigini okyjylarynyň dykgatyna ýetirýär.
Gazet Premiere Wision Stambulyň ilkinji gezek oktýabr aýynyň 29-31-i aralygynda JNR Ýarmarka merkezinde geçiriljekdigini ýatladýar.
“Sabah” gazeti “Kireýine ulag almagyň Admeral gämisi Türkiýede” söz başyly habarynda dünýäniň iň uly kireýine ulag almak firmasy Enterpraýyň Admeral gämisiniň Türkiýä gelendigini ýazýar.
Gazet 1,4 million ulagy bolan firmanyň Türkiýede esasan hem hususy firmalardan biri bilen işleşjekdigini belleýär.
“Sabah” gazeti “Daşky gurşaw dünýäniň gün tertibinde” söz başyly habarynda 5-nji iýun Daşky gurşaw gününe mynasibetli birnäçe ýurtda bolşy ýaly Türkiýede hem daşky gurşawa we tebigata ünsi çekmek üçin möhüm işleriň durmuşa geçirlendigini aýan edýär.
Gazet daşky gurşaw meseleleriniň çözülmegi üçin indi tapawutly sosial we syýasy aýratynlyga eýe ýurtlaryň birlikde hereket edýändigini ýatladýar.
Gazet Daşky gurşaw we şäherçilik ministri İdris Gülüjäniň Türkiýede esasan hem 2002-nji ýyldan bäri merkezi hökümet we ýerli häkimiýet tarapyndan daşky gurşaw meselesinde uly işleriň durmuşa geçirlendigi hakyndaky sözlerine ýer berýär.
Habarda Türkiýede soňky 12 ýylda 3 million 691 müň gekdaryň tokaýlaşdyrylmagy üçin durmuşa geçirlen işleriň çäginde 2 milliard 711 milion nahalyň dikilendigine üns çekilýär.
