Türkiýe bilen Azerbaýjanyň Arasynda Ynama Esaslanýan Hyzmatdaşlyk Pugtalanmak Bilen Dowam Edýär

Milli Goranmak ministriniň orunbasary Jelal Sami Tüfekji, Türkiýe bilen Azerbaýjanyň arasynda ynama esaslanýan hyzmatdaşlygyň pugtalanmak bilen dowam etdirilmeginin ähmiýetine ünsi çekdi.

Milli Goranmak ministriniň orunbasary Jelal Sami Tüfekji, Azerbaýjana guran saparynyň çäginde Azerbaýjanyň Goranmak ministri Zakir Hasanow bilen duşuşdy.

Azerbaýjanyň Goranmak ministrliginden berlen beýannamada, Tüfekjiniň türk goranyş senatynda iş alyp barýan käbir firmalaryň ýolbaşçylary bilen birlikde Hasanow bilen duşuşandygy nygtaldy.

Duşuşyga, Türkiýäniň Azerbaýjandaky Adatdan daşary we Doly ygtyýarly ilçisi Jahit Bagjy hem gatnaşdy.

Duşuşykda harby enjam we goranyş senagaty boýunça birlikde amala aşyrylýan taslamalar bilen sebitara howpsuzlyk meselesi ara alnyp maslahatlaşyldy.

Iki ýurduň arasyndaky strategik hyzmatdaşlygyň dostluk we doganlyk gatnaşyklaryna esaslanýandygyny nygtan Azerbaýjanyň Goranmak ministri, beýleki ugurlarda bolşy ýaly harby taýdan edilýän hyzmatdaşlygyň hem kadaly ýagdaýda ösýändigini ýatlatdy.

Milli Goranmak ministriniň orunbasary Jelal Sami Tüfekji bolsa özara ynama we goldawa esaslanýan hyzmatdaşlygyň has-da pugtalandyrylmagynyň ähmiýetini nygtady.