Gyrgyz Respublikasynyň Baýdagyna Üýtgetme Girizildi

Kanuna laýyklykda ýurduň baýdagyndaky tolkun şekilli gün şöhleleri tekizlendi we ortadaky çyzgylaryň sany köpeldildi.

2085773
Gyrgyz Respublikasynyň Baýdagyna Üýtgetme Girizildi

Gyrgyzstanda dizaýny üýtgedilen ýurduň baýdagy, paýtagt Bişkekde dabara ýagdaýda asyldy.

Täze baýdagyň Ala-Too meýdanyna asylyş dabarasyna Mejlisiň başlygy Nurlanbek Şakiýew bilen Ministrler kabinetiniň başlygy Akylbek Japarow gatnaşdy.

Ala-Too meýdanynda geçirlen dabara şeýle hem Döwlet sekretary Suýunbek Kasmambetow, Adatdan daşary ýagdaýlar ministri Boobek Ažikeýew, Baş ştabyň başlygy Ruslan Mukambetow, Bişkegiň şäher häkimi Aýbek Junuşaliýew bilen 1992-nji ýylda ýurduň baýdagyny taýarlan Ýusup Mataýew bilen Bekbosun Žaýçybekow hem gatnaşdy.

Mejlisiň başlygy Nurlanbek Şakiýew bilen halk deputaty Ulan Primow tarapyndan berlen “Gyrgyz Respublikasy döwletiniň simwollary hakyndaky kanuna üýtgetme girizilmegi baradaky kanun teklibi” 22-nji dekabrda Prezident Sadyr Japarow tarapyndan tassyklanypdy.

Kanuna laýyklykda ýurduň baýdagyndaky tolkun şekilli gün şöhleleri tekizlendi we ortadaky çyzgylaryň sany köpeldildi.

 



Degişli Habarlar