TDG-na agza ýurtlaryň metbugat guramalary tejribelerini we başarnyklaryny özara paýlaşarlar
Türki Döwletleriň Guramasynyň Metbugat we maglumat ugrundaky Hyzmatdaşlyk iş toparynyň 10-njy maslahaty Gyrgyzystanda geçirildi
Medeniýet, maglumatlar, sport we ýaşlar syýasty ministriniň orunbasary Çyngyz Esengül Uulunyň ýolbaşçylygynda ýurduň paýtagty Bişkek şäherinde geçirilýän maslahata Azerbaýjandan, Türkiyeden, Gyrgyzystandan, Gazagystandan, Özbegistandan we Türkmenistandan döwlet resmileri we metbugat gulluklarynyň ýolbaşçylary gatnaşýarlar.
Maslahata Türkiyeden Kommunikasiýalar edarasynyň Döwlet diplomatiýa edarasynyň başlygy Oguz Güner, Anadoly habarlar agentliginiň Strategik aragatnaşyk we Daşary gatnaşyklar bölüminiň müdüri Hazal Duran, TRT Awaz kanalynyň Daşary gatnaşyklar we sebitleýin iş dolandyryjysy Gökçen Ogan bilen Kommunikasiýalar edarasynyň resmileri gatnaşdylar.
Maslahatda Türki Döwletleriň Guramasyna agza ýurtlaryň Metbugat ugrunda tejribelerini we başarnyklarynyň paýlaşylmagynda hyzmatdaşlygyň ösdürilmegi bilen baglanşykly 1 ýyllyk hereket meýilnamasy, Özbegistanda geçiriljek II Halkara metbugat forumy, ministrligiň wekillerine beriljek bilim programmasy, umumy habar kanalynyň döredilmegi, Türk Habarlar agentligi bileleşiginiň döredilmegi ara alynyp maslahatlaşyldy.
Metbugat we maglumat ugrunda hyzmatdaşlyk iş toparynyň maslahatynyň çäginde "Emeli intellekt gollanmasy ChatGPT mysalynda emeli intellektiň artykmaçlyklary we kemçilikleri" we "21-nji asyrda howpsuzlyga wehim hökmünde gibrit söweşler" temaly 2 aýry maslahat geçirildi.
Degişli Habarlar
Azerbaýjan-Ermenistan Gepleşikleri Başlady
Iki ýurduň arasyndaky serhetleriň kesgitlenilmegi meselesi gün tertibinde esasy orun eýeleýär.