Şuşada Halkara Media Forumy Geçirildi

Azerbaýjanyň Garabag sebitiniň simwoly bolan Şuşa şäherinde Azerbaýjanyň metbugatynyň 147 ýyllygyna bagyşlanyp Halkara Media forumy geçirildi.

Media Galkynyş gullugy tarapyndan geçirlen foruma, Azerbaýjanyň Prezidentiniň kömekçisi Hikmet Hajiýew, köpçülikleýin habar beriş serişdeleriniň ýolbaşçylary we daşary ýurtly habar gulluklarynyň wekilleri we hünärmenleri gatnaşdy.

Hikmet Hajiýew forumda, Prezident Ilham Aliýewiň foruma gatnaşyjylara ugradan gutlag ýüzlenmesini okady.

Prezident Aliýew, metbugat işgärlerini, Azerbaýjanyň metbugatynyň 147 ýyllygy mynasibetli mähirli gutlady.

Aliýew, Azerbaýjanyň metbugaýynyň 147 ýylda uly öňe gidişlik edendigine ünsi çekdi.

Prezident Aliýew, Azerbaýjanyň metbugaýynyň II Garabag söweşinde halka we halkara jemgyýetçiligine dogry maglumat berilmeginde uly rol oýnandygyny belledi.

Aliýew, “Metbugat işgärlerimiz, basyp alyşlyk ýyllarynda taryhy topraklarymyzda ermenileriň eden wagşyçylygyny we Azerbaýjanyň hakykatlaryny halkara jemgyýetçiligine ýetirmek üçin arman ýadaman zähmet çekmäge dowam edär.

Azerbaýjanly žurnalistler hemişe tutanýerli tutum alyp barmaly, döwletiň bähbidine laýyklykda raýatlarymyza doly we dogry maglumat bermeli. Halkymyzyň eşretli durmuşy üçin irginsiz işlemeli” diýdi.