Azerbaýjan göz tussaglygyndaky 5 ermeni esgeri Ermenistana gaýtaryp berdi

Azerbaýjanyň Ýesir, dereksiz ýiten we zamun alynan raýatlardan jogapkär Döwlet komitedi, 5 ermeni esgeriň ýurtlaryna gaýtarylyp ugradylandygyny habar berdi. 

Komitet tarapyndan berilen beýanatda, 5 ermeni esgeriň Azerbaýjanyň gumanizm ýörelgelerine baglylygynyň görkezijisi hökmünde yzyna gaýtarylyp berilendigi mälim edildi. 

Beýanatda yzyna gaýtarylyp berilmek tapgyrynyň Wengriýanyň araçylyk etmeginde amala aşyrylandygy aýan edildi. 

Yzyna ugradylan 5 ermeni esgeriň 16-njy noýabrda iki ýurdyň arasyndaky Kelbejer ugrunda öjükdirji hereketler edendikleri sebäpli göz tussaglygyny alynandyklary beýan edildi. 

Azerbaýjan soňky 2 aýda 21 ermeni esgeri Ermenistana gaýtaryp berdi.