Gyrgyzystanda konstitutsiýa üýtgeşmeler we goşmaçalar girizmeklik bilen bagly referendum geçirilýär

Gyrgyzystanyň raýatlary hökümet gurluşynda üýtgeşmeleri öz düzüminde jemlejek täze konstitutsiýa üýtgeşmeler we goşmaçalar girizmeklik bilen bagly referenduma gatnaşýarlar. 

Takmynan 6 million 500 müň ilatly ýurtdaky jemi 3 million 606 müň 201 saýlawçy, ýerli wagt bilen sagat 08:00-dan başlap ýurdyň 7 aýry sebitinde, 2 uly şäherde, 26 şäherde döredilen 2 müň 474 saýlaw zolagynda ses bermäge başladylar. 

Koronawirus epidemiýasy sebäpli berk öňüni alyş çäreleriniň görülen ses berilşik tapgyryna 10 ýurt, 16 ilçihana we 10 halkara guramadan ybarat jemi 200-e golaý synçy we 179 ýerli we daşary ýurtly metbugat işgäri gatnaşýar. 

Ýurtdaky jemi 7 müň 560 orunlyk mejlis agzalygy üçin 59 syýasy partiýadan 5 müň 300-i zenan bolmak bilen takmynan 30 müň dalaşgär özara bäsleşýär. 

Ýurdyň Prezidenti Sadyr Japarow we aýaly Aýgül Japarowa bilelikde ses berdiler. 

Sadyr Japarow metbugat işgärlerine beren beýanatynda, halka ses bermäge çagyryp: "Halkymyz Konstitutsiýa taslamasyny goldasa, ertir täze konstitutsiýa görä ýaşamaga başlarys" diýip belledi.