Türk Geňeşi, Türksat 5A-nyň Älem Giňişliginine Uçurylmagy Mynasibetli Türkiýäni Gutlady
Düýn Türkiýäniň 7-nji emeli hemrasy Türksat 5A, Amerikanyň Florida ştatyndan üstünlikli ýagdaýda uçuryldy.
Türki dilli ýurtlaryň hyzmatdaşlyk geňeşi, täze emeli hemra Türksat 5A-nyň üstünlikli ýagdaýda älem giňişligine uçurylmagy mynasibetli Türkiýäni gutlady.
Türk geňeşiniň Twitterden beren habarnamasynda, “Türk geňeşiniň esaslandyryjy agzasy Türkiýe, Türksat 5A hemrasyny ABŞ-nyň Florida ştatyndan üstünlikli ýagdaýda uçurdy. Türk geňeşi hökmünde Türkiýäni gutlaýarys, agza ýurtlaryň tehnalogiýa taýdan gazanýan üstünlikleri bizi buýsandyrýar” diýildi.
Düýn Türkiýäniň 7-nji emeli hemrasy Türksat 5A, Amerikanyň Florida ştatynda ýerleşýän Cape Canaveral bazasyndan üstünlikli ýagdaýda uçuryldy.
Türksat 5A 31 gradus gündogar orbitasynda Türkiýäni, Ýewropany, Ýakyn Gündogary, Demirgazyk Afrikany, Merkezi Günbatar Afrikany, Günorta Afrikany, Ortaýer deňizi sebitini, Egeý we Gara deňizlerini öz içine alýan sebitde teleýaýlym hem-de maglumat aragatnaşygy boýunça hyzmatlar berer.
Degişli Habarlar
Gazagystanda Sil Apaty Sebäpli 5 Adam Ýogaldy
Abaý welaýatynda ýiten 2 adamyň tapylmagy üçin gözleg işleri dowam edýär.
